Konséyé Jennéral ka mandé Lédikasyon Nasyonal kréyé pòs a pofésora a lékòl é CAPES kréyòl

  Bastè, 13 òktòb démilwonz

Konsèy jennéral a la Gwadloup, sanblé an Konmisyon pèwmanant jòdi, jédi 13 òktòb 2011, pou voté mosyon la ki ka vin la :

Konsèy jennéral Gwadloup apré i ba lit a pofésè é popilasyon-la on pa-d kondyuit pou ba ansènman a kréyòl on favè, ka trouvé règrétan Lédikasyon Nasyonal pa ka kenn kont asé dè sa nou bouzwen réyèlman pou mwayen imen an lékol an nou.

Apadisa, i ka touvé règrétan an Gwadloup ni yenki 13 pos pou konkou a pofésora a lékòl é pannansitan pani pon pòs a kréyòl.

Sa vé di kè sé dèyè nou kay adan valorizasyon a idantité ispésyal an nou é adan mwayen nou mèt atè pou fè an sot mès é labitid é sosyété an nou dévoplé adan laliwondaj a bannzil karayib an nou.

Sitiyasyon-lasa, non sèlman i pa ka kenn kont a bénéfis nou pé fè èvè ansènman a lang réjional asi didactik a lang dèwò an réjyon an nou men ankò sa vé di sitiyasyon-lasa pa ka vwè sa lang kréyòl ka pòté adan bokantaj kiltirel é lengwistik asi la tè.

Sé pou sa, konséyé jennéral ka mandé yo kréyé pòs a pofésora a lékòl é CAPES kréyòl pou rété o fil a plon avè rèspé a « divèrsité » kiltirel é pou kenn kont a entéré pédagojik et kiltirel a jenn moun Gwadloup.